بيىل 1 قىركۇيەكتەن باستاپ ستۋدەنتتەرگە ستيپەنديا مولشەرى ارتادى، دەپ حابارلايدى Bairaqmedia.kz.
بۇگىن ۇكىمەت وتىرىسىندا عىلىم جانە جوعارى ءبىلىم ۆيسە-مينيسترى تالعات ەشەنقۇلوۆ قازاقستاندا جوعارى ءبىلىمنىڭ قولجەتىمدىلىگى مەن ساپاسىن ارتتىرۋعا باعىتتالعان ستۋدەنتتەردى مەملەكەتتىك قولداۋ شارالارى تۋرالى باياندادى.
«سوڭعى 5 جىلدا قازاقستاندا گرانتتار سانى 1،4 ەسە ءوستى. 2024-2025 وقۋ جىلىنا 93 116 گرانت ءبولىندى. سونىمەن قاتار بيىل 1 قىركۇيەكتەن باستاپ ءبىلىم الۋشىلاردىڭ ستيپەندياسىنىڭ ولشەمى وسەدى. باكالاۆريات ءۇشىن ستيپەنديانىڭ ولشەمى 52 372 تەڭگە، ماگيستراتۋرادا 117 098 تەڭگە جانە دوكتورانتتار ءۇشىن 262 500 تەڭگەنى قۇرايتىن بولادى. ياعني، بيىل باكالاۆريات دەڭگەيىندە ستيپەنديا كولەمى 2020 جىلمەن سالىستىرعاندا 2 ەسە، ال ماگيستراتۋرا جانە دوكتورانتۋرا دەڭگەيىندە 1،75 ەسە ارتادى»، – دەپ اتاپ ءوتتى ۆيسە-مينيستر.
مەملەكەت باسشىسىنىڭ تاپسىرماسى بويىنشا «كەلەشەك» ءبىرىڭعاي ەرىكتى جيناقتاۋ جۇيەسىن ەنگىزۋ جونىندەگى ق ر زاڭى قابىلداندى، ول ازاماتتاردىڭ جوعارى بىلىمگە قول جەتكىزۋىن قامتاماسىز ەتۋدىڭ قوسىمشا تەتىگى بولادى جانە قولدانىستاعى قولداۋ شارالارىن بىرىكتىرەدى. بۇگىندە اشىلعان شوتتار سانى –102 مىڭ سالىم.
ينفراقۇرىلىمدىق جوبالار بويىنشا جۇمىستار بەلسەندى جۇرگىزىلىپ جاتىر. بۇگىندە جاتاقحانالارداعى ورىن تاپشىلىعى 2019 جىلى 82 500-دەن 2024 جىلى 14 873-كە دەيىن ازايدى. ەرەكشە ءبىلىم بەرۋ قاجەتتىلىكتەرى بار بالالار ءۇشىن جاتاقحانالاردا ورىن بەرۋ جونىندەگى مەملەكەتتىك قىزمەت پرواكتيۆتى فورمات بويىنشا ۇسىنىلادى.
