Úndistanda maımyldar er adamdy tistep óltirdi. Oqıǵa 67 jastaǵy Ramnath Chaýdharı malǵa shóp jınaý úshin egistikke shyqqan kezde bolǵan, dep habarlaıdy MADENIPORTAL.KZ.
Azamat shón jınap júrgen kezde, maımyldar oǵan kenetten tap berip, jerge qulatyp, tistelep tastaǵan. Chaýdharı kómekke shaqyrǵanymen, janynda eshkim bolmaǵan. Aýyl turǵyndary aıqaıǵa júgirip kelgende, er adam aýyr halde jatqan. Ony dereý aýrýhanaǵa jetkizgenimen, dárigerler onyń qaıtys bolǵanyn rastady.
Daily Mail málimetinshe, sharýanyń qazasy aýyl turǵyndary arasynda dúrbeleń týǵyzdy. Olardyń aıtýynsha, maımyldar toby birneshe aıdan beri adamdarǵa shabýyldap, tistep, múlikti búldirip júr. Biraq buǵan deıin mundaı jaǵdaı adam ólimine ákelmegen.
Polısıa orman sharýashylyǵy departamentine júginip, janýarlardy ustap, basqa jerge kóshirýdi surady.
Biz turǵyndardy saq bolýǵa jáne mundaı maımyldarǵa jaqyndamaýǵa shaqyramyz, – delingen polısıanyń resmı habarlamasynda.
