Parlamentte naǵyz otanshyl azamattar, bilikti mamandar otyrýǵa tıis. Bul týraly Memleket basshysy Qasym-Jomart Toqaev Qyzylorda qalasynda ótip jatqan Ulttyq quryltaıdyń V otyrysynda aıtty, dep habarlaıdy bairaqmedia.kz.

Al depýtattar sanyna kelsek, bul másele de qyzý pikirtalas týǵyzdy. Eń kóp pikir qaıshylyǵy osy máselege qatysty boldy. Birinshi tarap elimizdegi halyq sanyna qaraı proporsıonaldy ýákildiń ıdesyn usyndy. Ekinshi tarap depýtat sanyn 500-ge deıin arttyrý qajet dedi. Bizdiń negizgi maqsatymyz - shyn máninde tıimdi ári kásibı Parlament qurý. Jańa zań shyǵarýshy organ eldegi aýqymdy ózgeristerge zańnamalyq turǵyda barynsha qoldaý kórsetýge tıis. Álemdegi ozyq tájirıbelerge qarasaq, bul úshin depýtat sanyn kóbeıtýdiń esh qajeti joq. Sondyqtan másele sanda emes, sapada. Eń bastysy Parlamentte naǵyz otanshyl azamattar, bilikti mamandar otyrýǵa tıis, - dedi Prezıdent.

Memleket basshysynyń aıtýynsha, jumys toby azamattardyń usynystaryn muqıat zerdelep, qyzý talqylady.

Aqyr sońynda Parlamenttiń mandat sany 145 bolýy kerek degen baılamǵa keldi. Jańa Parlamentte tóraǵanyń 3 orynbasary bolýy múmkin. Al komıtet sany 8-den astaýy kerek, - dedi Prezıdent.