Ulttyq quryltaıdyń V otyrysynda Memleket basshysy Qasym-Jomart Toqaev elimizde vıse-prezıdent laýazymyn bekitýdi usyndy.

 Vıse-prezıdentti Parlamenttiń qarapaıym basym daýysynyń kelisimimen Prezıdent taǵaıyndaıdy. Onyń ókilettik aıasyn Memleket basshysynyń ózi aıqyndaıdy. Vıse-prezıdent Prezıdenttiń tapsyrmasymen halyqaralyq forýmdar men shet memleketterdiń delegasıalarymen kelissózderde Qazaqstan Respýblıkasynyń múddesin, Parlamentte Prezıdenttiń múddelerin bildiretini, otandyq jáne sheteldik qoǵamdyq-saıası, ǵylymı, mádenı-aǵartýshylyq uıymdarmen ózara is-qımyl jasaıtyny, Prezıdenttiń ózge de tapsyrmalaryn oryndaıtyny kózdeledi. Vıse-prezıdenttiń qyzmettik fýnksıonalyna qatysty osy negizgi erejelerdi Konstıtýsıa mátininde de kórsetken jón, — dedi Prezıdent.