«Qazaqaltyn» kásipornyna qarasty Bestóbe kentindegi «Novaıa» shahtasyna zańsyz kirgen er adamnyń máıiti tabyldy, dep habarlaıdy bairaqmedia.kz.

Qaıǵyly oqıǵa 18 qańtarda bolǵan. Qaza tapqan azamat – Stepnogorsk qalasynyń 35 jastaǵy turǵyny, jumyssyz retinde tirkelgen. Aldyn ala málimet boıynsha, er adam kúzetiletin nysan aýmaǵyna ruqsatsyz kirgen.

Bestóbe kentindegi “Novaıa” shahtasynyń 610-shy gorızonty deńgeıinde máıittiń tabylýyna baılanysty qylmystyq is qozǵaldy, – dep habarlady polısıa.

Qazirgi ýaqytta oqıǵanyń mán-jaıyn anyqtaýǵa baǵyttalǵan qajetti tergeý sharalary júrgizilip jatyr.

QR QK 269-1-babynyń 3-bóligi (kúzetiletin nysanǵa zańsyz kirip, abaısyzda adam ólimine ákep soqqan áreket) boıynsha sotqa deıingi tergeý jalǵasýda.