ÝEFA Chempıondar Lıgasy aıasynda ótetin «Qaırat» – «Brúgge» machynyń bıletteri satylymǵa shyǵaryldy. Bul týraly Freedom Ticketon habarlady.
Kezdesý 2026 jyldyń 20 aqpanynda «Astana Arena» stadıonynda ótedi.
«Bıletti satyp alý úshin paıdalanýshy jeke sáıkestendirý nómirin (JSN), mobıldi telefon nómirin jáne elektrondyq poshta mekenjaıyn kórsetýi qajet. Bir paıdalanýshyǵa eki bıletten artyq satyp alýǵa ruqsat etilmeıdi. Tólem tek bir bank kartasy arqyly qabyldanady. Bıletterdi alý tártibine sáıkes, mach kúni SMS-habarlama joldanyp, kórsetilgen elektrondyq poshtaǵa QR-bılet siltemesi jiberiledi», - dedi Freedom Ticketon kompanıasynyń komýnıkasıa dırektory Azamat Atageldi.
Bıletter Freedom SuperApp jáne Qairat SuperApp mobıldi qosymshalary arqyly qoljetimdi.
Uıymdastyrýshylar jankúıerlerdi bıletterdi tek resmı satylym servısterinen satyp alýǵa shaqyrady. Úshinshi tulǵalar nemese kúmándi kózder arqyly alynǵan bıletter stadıonǵa kire almaý, qarajattyń qaıtarylmaýy nemese bılettiń jaramsyz dep tanylýy sıaqty qaýipterge ákelýi múmkin.
