Túrkıa vıse-prezıdenti Djevdet Iylmaz Kaspi.kz basshysy ári negizin qalaýshylardyń biri, sondaı-aq Hepsiburada dırektorlar keńesiniń tóraǵasy Mıhaıl Lomtadzemen kezdesti. Kezdesý Ankaradaǵy Prezıdenttik keshende ótti, dep habarlaıdy bairaqmedia.kz.
Djevdet Iylmaz myrza Túrkıaǵa ınvestısıa salǵany úshin rızashylyǵyn bildirip, Kaspi.kz pen Hepsiburada-ǵa tabys tiledi.
Kezdesý barysynda Mıhaıl Lomtadze Kaspi.kz-tiń mısıasy súıikti klıentteri men seriktesteriniń ómirin jaqsartatyn ınovasıalyq ónimder men servısterdi jasaý ekenin áńgimeledi jáne Qazaqstan men Túrkıa arasyndaǵy yntymaqtastyq eki eldiń kásipkerleri úshin jańa múmkindikter ashatynyna senim bildirdi.
«Men Qazaqstandaǵy sıfrlandyrý nátıjesi týraly árdaıym maqtanyshpen aıtamyn, ol kóptegen elder úshin úlgi boldy. Kaspi.kz álemde teńdesi joq servıster ázirleıdi. Hepsiburada da óz kezeginde elektrondyq komersıa salasynda ulttyq kóshbasshy bolyp tabylady jáne onyń mádenıeti kóp jaǵynan bizdikine uqsas. Biz e-commerce, qarjyteh, qolma-qol aqshasyz tólemder jáne Qazaqstan men Túrkıadaǵy basqa da kóptegen ınovasıalardy damytýdy jalǵastyrý úshin Kaspi.kz pen Hepsiburada-daǵy birlesken bilim men tehnologıany qoldanamyz. Qazaqstandyq jáne túrik kásipkerleri osy yntymaqtastyqtyń arqasynda olar úshin ashylatyn jańa múmkindikterden paıda kóretinine senimdimin», — dep atap ótti Mıhaıl Lomtadze.
2025 jyldyń basynda Kaspi.kz Túrkıanyń eń iri e-commerce platformalarynyń biri — Hepsiburada aksıalarynyń baqylaý paketin satyp alǵan bolatyn. Naýryzda Rabobank A.Ş. — Túrik Rabobank «enshilesin» satyp alý týraly kelisimge qol qoıyldy.
