Elimizge tanymal aktrısa ári prodúser Baıan Alagózova ózin synap, jubaıy Tursyn Alagózov shyǵaratyn Maxi sháıǵa «boıkot» jarıalaýdy usynǵan ımam Danıar Kenjeulyna jaýap berdi, dep habarlaıdy bairaqmedia.kz.

Bul týraly prodúser Instagram-daǵy paraqshasynda jazdy. Aıtýynsha, ımam zań men Konstıtýsıaǵa renjip qaldy.

"Tarıhta alǵash ret! Imam araqqa emes, shaıǵa qarsy. Imam zań men Konstıtýsıaǵa renjip qaldy. Óıtkeni men bizdiń eldiń sharıǵat boıynsha júretin memleket emes ekenin esine saldym", - dep jaýap berdi óner ıesi.

Aıta keteıik, Baıan Alagózovanyń “Qazaqtar Islam dinin qabyldamaǵan” degen pikiri qoǵamda qyzý talqyǵa túsken bolatyn

Bul sózderge alǵashqylardyń biri bolyp din ókili, ımam Danıar Kenjeuly qarsy pikir bildirip, prodúserdiń kúıeýi Tursen Alagózovke tıesili “Maxi shaıynan” bas tartýǵa shaqyrǵan bolatyn.

“Bul — jaı ǵana qatelik emes, tutas ulttyń rýhanı tarıhyna jasalǵan aýyr soqqy. Qazaq – ejelden musylman halyq. Tarıhty joqqa shyǵarý — rýhty qorlaý. Eger júreginde ıman bolsa, mundaı sózderge qarsy ún qata bil. Maxi shaıdy ishpeýge shaqyramyn”, – dedi ımam.