Jýrnalıs Erbol Seıilhannyń YouTube arnasynda qonaqta - táýelsiz ekonomıs Maqsat Halyq. 

Ekonomıka ósip keledi, baǵa da aspandap barady

Úkimet Qazaqstan ekonomıkasynyń 6,2%-ǵa óskenin málimdedi. Biraq dúken sórelerindegi baǵa men komýnaldyq tólem sharyqtap, jurttyń qaltasyn qaǵyp jatyr. Mundaı ekonomıkalyq ósim» kimge tıimdi? Qarapaıym halyq onyń jaqsylyǵyn qashan kóredi?

Elimizde eń tómengi jalaqy - 85 myń teńge

Osy kezde Qazaqstanda ortasha jalaqy 423 myń teńge dep jarıalanǵanymen, 1,5 mıllıon adam 85 myń teńge jalaqy alady. Olardyń kóbi Úkimet esebinde, óz-ózin asyraýshylar dep sanalady. Bılik shynaıy statısıkany nege jasyrady? 

Qazaqstan kedeı el me?

Álemdik standart boıynsha, eger tabystyń jartysynan astamy tek tamaqqa jumsalsa – bul kedeı memlekettiń belgisi. Al biz she? Biz qaı sanattamyz? Sarapshy Úkimettiń kedeıshilikke qatysty esep-qısabymen múldem kelispeıdi. Nege? 

 Ulttyq qorda kiris az

Ekonomıs Maqsat Halyqtyń pikirinshe, zeınetaqy qorynan alynǵan aqsha úı baǵasyn qymbattatyp jiberdi. Al, Ulttyq qordyń kirisi qurdymǵa ketip jatyr. Qazaqstanǵa qaı eldiń ekonomıkalyq damý modeli jaqyn? Kimnen úlgi alamyz?

Paıyzy kóp tólem, nesıege batqan halyq

Tipti bankterdiń ózi dabyl qaǵyp otyr: el qaryzǵa belsheden batyp barady. Alǵashqy jarnasyz jyldyq 24% nesıemen kólik alǵandar ony avtosalondarǵa qaıta tapsyrýǵa májbúr. Bul – jaı ǵana qarjy máselesi emes, bul – áleýmettik dúmpýdiń alǵysharty emes pe? Teńge taǵy devalsıaǵa ushyraýy múmkin be? 

Biraz ózekti taqyrypty qozǵadyq. Sheshimin izdedik. 

Suhbatty kórińiz!