Abaı Begeıdiń qyzy men kúıeý balasyna qatysty qylmystyq isti tergeý jalǵasyp jatyr. Azattyq Rýhy redaksıasynyń saýalyna Qarjylyq monıtorıń agenttigi osylaı dep jaýap berdi, dep habarlaıdy bairaqmedia.kz.

Eske sala keteıik, ánshiniń qyzy Gúlerkem Nıazqulova men onyń kúıeýi Instagram, TikTok jáne Telegram áleýmettik jelileri arqyly 850 myńnan astam oqyrman jınap, onlaın lotereıa ótkizgen. Bul týraly alǵash bolyp jazǵan redaksıa ýákiletti organdarǵa resmı saýal joldap, Gúlerkem Nıazqulova lotereıa agenti emes ekenin anyqtaǵan edi. 

Qarjylyq monıtorıń agenttiginiń málimetinshe, olar avtokólik, páter, basqa da baǵaly syılyqtardy júlde retinde oınatqan. Osylaısha zańsyz túrde 162 mln teńge tabys tapqan.

Qazirgi tańda kúdiktilerdiń jyljymaıtyn múlki men banktik shottaryna shekteý qoıyldy. Alaıda Gúlerkem Nıazqulova áli kúnge deıin áleýmettik jelide jarnama jasap, paraqshasyn emin-erkin qoldanyp otyr. Onyń áleýmettik jeli arqyly tabys tabýyna tyıym salynbaǵan.