Belgili zańger ári qoǵam belsendisi Aıgúl Orynbek óziniń Facebook-tegi paraqshasynda Djeı Lonyń konsertin synaǵandardy úndeý jasady, dep habarlaıdy bairaqmedia.kz.

”Djennıfer Lopes kelgende eldiń buzylyp jatqany endi esterińe túskeni qalaı?!

Jalańash bılegenderden emes, rýhanı jalańashtanyp, mılary ýlanǵan, “halıfat quramyz” dep laǵyp júrgenderden qorqý kerek!

Kesheden beri báriniń joq jerden patrıottyqtary ustap, betterin shymshyp, namystary oıanyp ketkeni nes?!

Qyzdaryń Sırıada “seks-djıhadqa” ketip jatqanda, dál osylaı namystanyp, nege shý shyǵarmadyńdar ?

Qańtar oqıǵasynan keıin kofeletip, átirletip Túrkıa asyp ketken Muhamedjan aǵamyzǵa deıin “ult namysy” oıanyp ketip saırap ketipti!", - dep jazdy ol.

Aıgúl Orynbektiń aıtýynsha, elimizge álemdik tanymal ánshilerdiń kelip konsert qoıǵanynan esh zıan joq, kerisinshe ózimiz ishki mádenıetimizdi damytýymyz kerek.

"Árkim óz mıy men kóziniń deńgeıine saı kóredi — Bireý but kóredi, bireý óner kóredi.
Kimniń nege kózi túskeni — óziniń ishki mádenıetine baılanysty.

Sender osy kúnde teledıdar kórmeısińder aý deımin, TikTok pen Instagram-nan budan da soraqy “buttar” men “býldyz” qyzdardy kórip otyrmyz. Buzylatyn qyz Djenıferdiń butynsyz aq buzylyp jatyr. Ony buzyp jatqan ózimizdiń er azamattar. Bir kúndik nekemen qansha qyz qorlanyp, bes balasyn bes erkekten týǵan qyzdardy osy Djeneferdiń tóteni buzyppa?", - dep jazdy qoǵam belsendisi.

Sondaı-aq ol «Djennıfer Lopestiń konsertine emes Abaıdyń toıyna nege barmadyń» dep pikir aıtqandardy da ornyna qoıdy.

Bireýler “Abaıdyń týǵan kúni kóleńkede qaldy” dep kúıinip jatyr eken… Sonda Abaıdy qurmetteý tek týǵan kúninde ǵana eske túsetin bolǵany ma?! Abaıdyń sózin kúndelikti ómirińe arqaý ettiń be, balalaryńa oqytyp júrsiń be,
áýeli sony ózińe suraq qylyp qoı!

Semeıge baryp, jarnama jasap, merekelik is-shara uıymdastyrýǵa kim kedergi jasap jatyr?!
Joq, eshkim qoı demeıdi. Tek bir konserttiń tasasyna tyǵyla salatyn “qurmettiń” qajeti joq! Damyǵan el bolǵylaryń kele me? Onda álemdik juldyzdardy da qabyldap úırenińder!

Djennıfer Lopes kelip butyn kórsetip bılegennen ult buzylmaıdy!

Ultty qurtatyn — ekijúzdilik pen jasandy “rýhanıat”.

Bárińniń qoldaryń bos eken, memlekettiń jelinip jatqan mıllıardttaryn izdeńder!

Djenıfer Lopes kelgende oıanatyn jalǵan namyspen el bolmaımyz!”, — dep jazdy zańger.