Destrýktıvti dinı aǵymnan ada qoǵam – turaqty eldiń negizi. Túrkistan oblysy Din isteri basqarmasy "Din máselelerin zertteý ortalyǵynyń" teology  Dinmuhammed Zıabek osylaı málimdedi, dep habarlaıdy bairaqmedia.kz

Qazirgi jahandaný zamanynda aqparat keńistiginiń keńeıýi, áleýmettik jelilerdiń yqpaly, dinı bilimniń jetispeýshiligi – qoǵamda ártúrli dinı kózqarastardyń, sonyń ishinde destrýktıvti aǵymdardyń taralýyna jol ashyp otyr. Bul másele ásirese jastar arasynda beleń alyp, el ishindegi rýhanı turaqtylyq pen ulttyq tutastyqqa qaýip tóndirýde. Sondyqtan destrýktıvti dinı aǵymdardan ada qoǵam qurý – memlekettiń qaýipsizdigi men turaqty damýynyń basty kepili bolyp tabylady, - dedi teolog.

«Destrýktıvti» sózi latyn tilinen aýdarǵanda «buzýshy, joıýshy» degen maǵynany bildiredi eken. Demek, destrýktıvti dinı aǵym – bul dástúrli dinniń atyn jamylyp, qoǵamda búlik, alaýyzdyq, zorlyq-zombylyq pen radıkal kózqarasty nasıhattaıtyn toptar deıdi Dinmuhammed Zıabek. Olar kóbinese jastar men dinı saýaty tómen azamattardy arbaý arqyly óz qataryna tartady eken.

Destrýktıvti dinı aǵymdar – bul qoǵamda alaýyzdyq, iritki, tózbeýshilik pen radıkaldy kózqarastardy nasıhattaıtyn toptar. Olar kóbinese dástúrli dindi burmalap, óz múddesine paıdalana otyryp, adamdardyń sanasyn ýlaıdy. Mundaı aǵymdardyń músheleri memlekettiń zańdary men zaıyrly qurylymyna qarsy shyǵyp, sharıǵatty burmalanǵan túrde qoldanýdy talap etedi. Olardyń qyzmeti kóbinese qupıa túrde júrgizilip, áleýmettik jeliler men beıresmı dinı sabaqtar arqyly júzege asady, - dep málimdedi "Din máselelerin zertteý ortalyǵynyń" mamany.