Amerıkalyq ánshi ári aktrısa Djennıfer Lopestiń Astanadaǵy konserti kezinde qoǵamdyq tártipti buzǵan áıelge qatysty qylmystyq is qozǵaldy, dep habarlaıdy bairaqmedia.kz elorda polısıa departamentiniń baspasóz qyzmeti.
Jelide taraǵan vıdeoda polıseılerdiń tóbeles shyǵarǵan áıeldi kóterip, alańnan alyp ketip bara jatqany kórsetilgen.
"Astana Arenadaǵa" konsert kezinde áıel qoǵamdyq tártipti buzdy. Qaqtyǵystyń órshýine jol bermeý úshin ony polısıa qyzmetkerleri oqıǵa ornynan alyp ketti", - dep jazylǵan habarlamada.
Tergeý qorytyndysy boıynsha qylmystyq is qozǵalǵan.
"Atalǵan áıeldiń polısıa qyzmetkerleriniń birimen nekede ekenin habarlaımyz. Bul fakt onyń áreketine quqyqtyq baǵa berýge áser etpeıdi", - dep tolyqtyrdy polısıa.
Polıseıler zań aldynda barlyq azamat teń ekenin, ishki ister organdary qyzmetkeriniń otbasy múshesi bolý eshqandaı artyqshylyq bermeıtinin atap ótti.
Tergeý barysy polısıa departamenti basshylyǵynyń baqylaýynda bolady.
Aıta keteri, Qylmystyq kodekstiń 108-baby (densaýlyqqa qasaqan jeńil zıan keltirý) boıynsha 200 AEK-ke (2025 jylda – 786 400 teńgege) deıingi aıyppul ne sol mólsherde túzeý jumystary, ıa bolmasa, 200 saǵatqa deıingi merzimge qoǵamdyq jumystar ne elý táýlikke deıingi merzimge qamaqqa alý jazasy qarastyrylǵan.
Aıta keteri, Qylmystyq kodekstiń 108-baby (densaýlyqqa qasaqan jeńil zıan keltirý) boıynsha 200 AEK-ke (2025 jylda – 786 400 teńgege) deıingi aıyppul ne sol mólsherde túzeý jumystary, ıa bolmasa, 200 saǵatqa deıingi merzimge qoǵamdyq jumystar ne elý táýlikke deıingi merzimge qamaqqa alý jazasy qarastyrylǵan.
