Tarazda qaryndasyn qorqytpaq bolǵan 15 jastaǵy jasóspirim kóz jumdy, dep habarlaıdy bairaqmedia.kz.

Beıresmı derekterge súıensek, onyń ómirimen qosh aıtysýyna qaryndasymen bolǵan janjal sebep bolǵan. Qyz bala aǵasyna ashýlanyp, anasyna shaǵymdanatynyn aıtyp qorqytqan.

HALYQSTAN telegram-arnasynyń aqparatynsha, marqum qaladaǵy №27 orta mekteptiń oqýshysy bolǵan. Otbasy tolyq emes: anasy jumyssyz, al ákesi ajyrasqannan keıin bólek turady. Úıde odan bólek taǵy úsh kámeletke tolmaǵan bala tárbıelenip jatyr. Qaza tapqan jasóspirim — úıdegi úlkeni.

Qaıǵyly kúni ol qaryndasymen telefon oıynyna baılanysty sózge kelip, ony uryp jibergen. Sińlisi bolsa, anasyna aıtyp qoıamyn dep qorqytqan.

Kýágerlerdiń aıtýynsha, biraz ýaqyt ótken soń qyz bala aǵasyn aýlada aǵashqa asylyp qalǵan kúıde taýyp, jedel járdem shaqyrǵan.

Boljam boıynsha, bala shyn máninde óz-ózine qol jumsaǵysy kelmegen, tek qaryndasyn qorqytpaq bolǵan. Alaıda oqıǵa qaıǵyly aıaqtaldy.

Qazir oqıǵanyń mán-jaıyn tergeý organdary anyqtap jatyr. Qylmystyq is «Ózin-ózi óltirýge ıtermeleý» baby boıynsha tirkelgen.