Qazaqstan Ulttyq qaýipsizdik komıteti kólik vıse-mınıstriniń ustalǵany týraly habarlady. Ol jemqorlyq qylmys jasady degen kúdikke ilindi, dep habarlaıdy bairaqmedia.kz.
"Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmeti Qazaqstan Kólik vıse-mınıstrin para aldy degen kúdikpen ustap, sot sanksıasy negizinde qamaýǵa aldy. Qylmystyq-prosestik kodekstiń 201-babyna sáıkes ózge aqparat jarıa etilmeıdi", - delingen Qazaqstan UQK baspasóz qyzmetiniń habarlamasynda.
Aıta ketsek, maýsymnyń sońynan beri Kólik mınıstrligin "Qazaqstan temir joly" Ulttyq kompanıasy" AQ basqarma tóraǵasy Nurlan Saýranbaev basqaryp keledi.
Kólik mınıstrliginiń saıtyndaǵy resmı aqparatqa sáıkes, onyń úsh orynbasary, ıaǵnı vıse-mınıstrleri bar:
Sátjan Ablalıev,
Talǵat Lastaev,
Maqsat Qalıaqparov.
