Pavlodardaǵy qaıǵyly oqıǵadan keıin aýrýhanaǵa túsken 1,5 jasar bala kóz jumdy. Dárigerler balanyń ómiri úshin barynsha kúresti, dep habarlaıdy bairaqmedia.kz.

Aıta keteıik, qaıǵyly oqıǵa 30 shildede Pavlodarda boldy. Áıel 2024 jáne 2017 jyly týǵan eki balasyn bıiktikten laqtyryp jibergen. Zardap shekkender aýyr halde oblystyq balalar aýrýhanasyna jetkizildi.

1 tamyzda 1,5 jasar balanyń qaıtys bolǵany belgili boldy.

"Kúndiz, 1 tamyzda 2024 jyly týylǵan balanyń jaǵdaıy óte aýyr jáne turaqsyz bolyp qaldy. Keshke qaraı nasharlaý baıqaldy. Saǵat 20:10-da júregi toqtap qaldy. Reanımasıalyq sharalar nátıje bermedi, 20:40-ta bıologıalyq ólim jarıalandy. Ókinishke qaraı, balany qutqarý múmkin bolmady", – dep habarlady oblystyq densaýlyq saqtaý basqarmasy.

Buǵan deıin dárigerler balanyń jaǵdaıy óte aýyr dep habarlaǵan bolatyn. Ol jasandy tynys alý apparatyna qosyldy, sonymen qatar ota jasaldy.

Al eki balasyn terezeden laqtyrǵan pavlodarlyq 34 jastaǵy áıel, kórshileriniń sózinshe, byltyr jalǵyz ózi terezeden sekirgen.