2 tamyz saǵat 02:00-den saǵat 06:00-ge deıin keıbir memlekettik elektrondy servısterdiń jumysy shekteledi, dep habarlaıdy bairaqmedia.kz "Ulttyq aqparattyq tehnologıalar" kompanıasynyń baspasóz qyzmetine silteme jasap.
"Tehnıkalyq jumystar 2025 jylǵy 2 tamyz saǵat 02:00-den saǵat 06:00-ge deıin júrgiziledi. Bul ýaqyt aralyǵy paıdalanýshylardyń belsendiligi eń tómen kez ekeni eskerile otyryp tańdaldy, bul qolaısyzdyqtardy barynsha azaıtýǵa múmkindik beredi", - delingen habarlamada.
Osy kezeńde kelesi memlekettik elektrondyq servısterdiń jumysy ýaqytsha shekteledi:
- eGov.kz portaly men eGov Mobile mobıldi qosymshasy ("Sıfrlyq
qujattar" servısin qosa alǵanda);
- e-Otinish, E-license portaldary jáne Ashyq úkimet júıeleri;
- Qazaqstan Respýblıkasynyń Ulttyq kýálandyrýshy ortalyǵy (UKO)
servısteri;
- "UAT" AQ súıemeldeıtin ózge de jobalar;
- Elektrondyq úkimet shlúzi arqyly ıntegrasıalanǵan ekinshi deńgeıli bankterdiń mobıldi qosymshalaryndaǵy jáne basqa júıelerdegi memlekettik qyzmet kórsetý servısteri.
Osyǵan baılanysty "UAT" AQ barlyq qajetti operasıany aldyn ala aıaqtaýdy jáne tehnıkalyq jumystar kezinde qujat kórsetý qajet bolǵan jaǵdaıda olardyń túpnusqalaryn daıyndaýdy usynady.
