Jastardyń súıikti ánshisi Mıras Júginisov týǵan aǵasy Rústem Júginisovtiń jelide aıtqan pikirimen kelispeıtinin málimdedi, dep habarlaıdy bairaqmedia.kz.

Ánshi otbasynyń barlyq múseshisin qurmetteıtinin, alaıda kózqarastary birdeı emes ekenin atap ótti.

«Sońǵy kúnderi aǵamnyń aıtqan pikiri qoǵamda úlken pikirtalas týdyryp, keıbir jandardyń kóńiline tıip jatyr. Ol óz oıyn bildirgen jeke tulǵa. Men óz jolym, óz ustanymym bar adammyn. Men otbasymnyń ár múshesin qurmetteımin, biraq olardyń jeke kózqarastary meniń oıymmen árdaıym sáıkes kele bermeıdi. Sol úshin de keıbir kezde máseleler týyndaıdy. Olardy osylaı aıtyp otyramyn dep oılamadym. Ne aıtqym kelgenin sizder túsinip otyrsyzdar dep oılaımyn», - dep jazdy ánshi.

Ol óziniń shyǵarmashylyǵy mahabbat, adamgershilik jáne qurmet jaıly, ánderiniń kóbi dál názik jandylarǵa arnalǵanyn aıtty.

«Óıtkeni, áıel janynyń bul ómirde orny men úshin erekshe. Sondyqtan, bul jaǵdaıdan kóńili qalǵan barsha jandan keshirim suraımyn. Sizderdiń senimderińiz men úshin óte mańyzdy», - dep jazdy ol.