Kezinde kóptegen belesterdi baǵyndyrǵan ánshi bolyp tanylyp, qazir sahnadan ketip, kásipkerlikke bet burǵan Rústem Júginisov el arasynda qyzý talqyǵa túsken pikiri úshin barsha áıelder qaýymynan keshirim surady, habarlaıdy bairaqmedia.kz.

Bul týraly ol Theards jelisindegi paraqshasynda jazdy.

«Qaıyrly kún! Sońǵy kúnderi tarap jatqan meniń jazbalaryma baılanysty túsinikteme bergim keledi. Birinshi storısymda aıtqanymdaı, bul jaǵdaıda tolyqtaı er azamattyń jasaǵany QATE. Bul-aıqyn. Dinimizde de «bir kúndik neke» degen túsinik joq ekenin naqty taǵy aıtqym keledi», — deıdi Rústem.

Ol jelide oıyn durys jetkize almaǵanyn atap ótti. 

«Oılana kele, sol sáttegi emosıanyń áserimen keı sózderimde qattylyqqa jol berip, oıymdy durys jetkize almaǵanymdy túsindim. Bul meniń tarapymnan ketken úlken qatelik ekenin moıyndaımyn. Biz zaıyrly elde turamyz, ár adamnyń óz tańdaýy bar. Eshkimdi belgili bir kózqarasty ustan dep májbúrleý oıymda bolǵan emes. Men ár adamnyń sheshimin syılaımyn jáne qurmetteımin! Negizinde bul máseleni qozǵaǵanda, eń aldymen qaýipsizdik jaǵyn oılaǵan edim. Ia, men de qyz baǵyp otyrǵan ákemin. Men de qyzdarymdy ýaıymdaımyn. Kesh bata kóshede túrli qaýip tóndiretin er azamattar, ıaǵnı mas kúıdegi adamdar, esirtki áserindegi nemese psıhıkalyq jaǵdaıy turaqsyz azamattar kezdesýi múmkin. Men tek sol qaýipterden qorǵashtap, qaryndastarymdy ýaıymdaǵandyqtan, emosıamen aıtyp qoıdym. Ia, jetkizý formasynan qatelik ketkeni ras. Biraq, meniń nıetim eshqashan arý jandardy kinálaý bolmaǵan», — dep aqtaldy ánshi.

Júginisov qyz-kelinshekterdi árqashan qoldaıtynyn aıtty. Sebebi, olar bizdiń qoǵamnyń negizi men tiregi, dep biletin aıtty.

«Zorlyq-zombylyq, aldaý, paıdalanýshylyq, munyń bárine áıel emes, er adamdardyń kinási bar ekeni tolyqtaı RAS! Sondyqtan eń aldymen, ózgeris te, jaýapkershilik te er azamattardan bastalýy qajet. Bul jaǵdaı men úshin úlken sabaq boldy. Aıtylǵan ár pikirdi qabyldap jatyrmyn. Qaryndastarym, ápkelerim sizderdi renjitip alsam, shyn júrekten keshirim suraımyn!», — deıdi basy daýǵa ánshi.