Túrkistanda polıseıler qoǵamdyq oryndarda bet-álpetti jabýǵa tyıym salý týraly zańnamadaǵy ózgeriske baılanysty túsindirý jumystaryn júrgizdi, dep habarlaıdy bairaqmedia.kz

12 shildeden bastap qoǵamdyq oryndarda adamnyń túr-sıpatyn tanýǵa kedergi keltiretin kıimderge tyıym salatyn zańnama normasy kúshine engen bolatyn. Shekteý adamnyń bet-júzin tolyqtaı jaýyp turatyn kıimderge – mysaly, nıkab pen betperdege qatysty. Al, hıdjab, hımar, sheıla sıaqty bet ashyq qalatyn kıimderge bul talaptyń qatysy joq. Polıseıler osy týraly turǵyndarǵa jan-jaqty aqparat berýde. 

Aıta keterligi, bul ereje medısınalyq, aýa raıyna baılanysty, qyzmettik jáne sporttyq maqsatta kıiletin kıimderge de qatysty emes.

Sonymen qatar, polıseıler ınternet-alaıaqtyqtyń túrleri men odan saqtaný joldary týraly da túsindirýde. Bul shara qoǵamdyq qaýipsizdikti qamtamasyz etýge, ári azamattardy quqyqtyq aqparattandyrýǵa baǵyttalǵan.