«Astana konsert» kompanıasynyń prodúseri Malık Hasenov Qazaqstanǵa álemge áıgili ánshi Shakıra kelýi múmkin ekenin málimdedi, dep habarlaıdy bairaqmedia.kz.

Ol aldymen barsha kórermender men Astana qalasynyń turǵyndaryna Djennıfer Lopestiń konsertine belsendi qatysqany úshin alǵys aıtty.

«Djeı Lonyń konsertine Astana qalasynyń ákimdigi men barsha mekemeler atsalysty. Elimizde osyndaı álemdik deńgeıdegi konsertterge qatysý dástúrge aınalyp kele jatyr. Men sizge bir qupıany aıtaıyn. Biz qazir Shakıramen kelissóz júrgizip jatyrmyz, osy jyldyń kúz aıynda konsert ótýi múmkin», - dedi prodúser.