Prezıdent Qasym-Jomart Toqaev Túrikmenstanǵa bardy, dep habarlady Aqorda.

Ol munda Teńizge shyǵar joly joq damýshy elderge arnalǵan Birikken Ulttar Uıymynyń úshinshi konferensıasyna qatysady.

Túrikmenbashy áýejaıynan memleket basshysyn Túrikmenstan Halk Maslahatynyń tóraǵasy Gýrbangýly Berdimuhamedov qarsy aldy.

Áýejaıda Qasym-Jomart Toqaev pen Gýrbangýly Berdimuhamedov az-kem áńgimelesti

Memleket basshysy Qazaqstan men Túrikmenstan yntymaqtastyǵy órkendep, qarqyn ala túskenin atap ótti.

"Qurmetti Gýrbangýly Málıkgýlyevıch, Sizben qasıetti túrikmen jerinde, baýyrlas Túrikmenstanda qaıta júzdeskenime qýanyshtymyn. Shaqyrýyńyzdy shyn nıetpen qabyl aldym. BUU Bas hatshysynyń qatysýymen osyndaı forým ótkizý – úlken jetistik. Bul 30 jyldan beri beıtarap saıasat ustanyp kele jatqan Túrikmenstannyń halyqaralyq abyroı-bedeli joǵary ekenin kórsetedi. Qazaqstan atalǵan saıasatty tolyǵymen qoldaıdy", – dedi Qasym-Jomart Toqaev.

Halk Maslahatynyń tóraǵasy qazaq-túrikmen baılanysynyń erekshe sıpatyna joǵary baǵa berdi.
Memleket basshysy men Halk Maslahatynyń tóraǵasy eki el halqy dostyq pen tatý kórshilik qatynasty odan ári nyǵaıtýǵa erekshe mán beretinin aıtty.