Premer-mınıstr Oljas Bektenov Qazaqstanǵa Astana halyqaralyq forýmyna qatysý úshin kelgen Túrki memleketteri uıymynyń Bas hatshysy Kýbanychbek Ómiralıevpen kezdesý ótkizdi, dep habarlaıdy Bairaqmedia.kz.

Onda joǵary deńgeıde qol jetkizilgen ýaǵdalastyqtardy júzege asyrý máseleleri, sondaı-aq TMU-ǵa múshe memleketter arasyndaǵy ózara yntymaqtastyqty odan ári keńeıtý joldary talqylandy. Qazirgi ýaqytta uıym aıasynda ózara is-qımyldyń jańa formattary qurylyp, áleýmettik saıasat, qorshaǵan ortany qorǵaý, ónerkásip, ǵylym, tehnologıa jáne ınovasıa sıaqty basqa da salalar boıynsha jumys júrgizilip jatyr.

Saýda-ekonomıkalyq yntymaqtastyqty jandandyrýǵa jáne ózara jetkizilimder aýqymyn keńeıtýge nazar aýdaryldy. 2024 jyly Qazaqstannyń TMU-ǵa múshe memlekettermen taýar aınalymy $11,4 mlrd-ty qurady. Sonymen qatar qolda bar áleýet aǵymdaǵy kórsetkishterden edáýir keń ekeni atap ótildi. Osyǵan baılanysty QR prezıdenti Qasym-Jomart Toqaev saýda qatynastaryn odan ári damytýǵa baǵyttalǵan jeke qujat ázirleýge bastamashy boldy.

 Kezdesý barysynda gýmanıtarlyq bastamalar da talqylandy. Aqtaý túrki áleminiń mádenı astanasy bolyp jarıalandy, osy jyldyń maýsym aıynan bastap Almaty TMU-nyń jastar astanasy bolady. Túrki mádenıeti men tarıhı murasyn saqtaýǵa jáne nasıhattaýǵa baǵyttalǵan is-sharalar josparlanǵan.

Kezdesý qorytyndysy boıynsha taraptar tıimdi yntymaqtastyqty odan ári damytýǵa tolyq yqpal etýge daıyn ekendikterin jetkizdi.