Jarkent qalasynda kámeletke tolmaǵan balasyn batareıaǵa baılap, uryp-soqqan áıel polısıaǵa jetkizildi, dep habarlaıdy bairaqmedia.kz.

Áleýmettik jelide tarap ketken vıdeoda áıel mektep jasyna tolmaǵan balany batareıaǵa tirep, aıaýsyz sabalaǵan. Oǵan qosa tepkilegeni de anyq kórinedi. Páterde budan bólek taǵy úsh bala bar. Aldyn ala málimet boıynsha, jaýyzdyq tanytqan kelinshek búldirshinderdiń týǵan anasy. Kóptiń ashýyn keltirgen beınejazbany ákesi túsirip, jelige taratqan kórinedi. 

Zańger Janerke Keńesbaevanyń sózinshe, onyń joldaǵan ótinishi negizinde beınejazbadaǵy áıel men vıdeony túsirip turǵan er adam Panfılov aýdany polısıa basqarmasyna jetkizilgen.

Jetisý oblystyq polısıa departamentiniń málimetinshe, atalǵan fakti boıynsha qylmystyq is qozǵaldy. 28 jastaǵy áıel ýaqytsha ustaý ızolátoryna qamaldy. Al, balalardyń qaýipsizdigin qamtamasyz etý maqsatynda barlyq mán-jaı anyqtalǵanǵa deıin olar Otbasyn qoldaý ortalyǵyna ýaqytsha ornalastyryldy. Sonymen qatar, qamqorshylyq jáne qorǵanshylyq organdaryna ata-ana quqyǵynan aıyrý máselesin qarastyrý týraly resmı usynys joldanǵan.