Memleket basshysy "Qazaqstan Respýblıkasynyń keıbir zańnamalyq aktilerine arhıv isi jáne quqyqqa qaıshy kontenttiń taralýyn shekteý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy.
Zań arhıv isi salasyndaǵy zańnamany jetildirýge, memlekettik arhıvterdiń mártebesi men qyzmet tıimdiligin arttyrýǵa, sondaı-aq balalardyń quqyqtaryn qorǵaýǵa baǵyttalǵan keshendi ári júıeli normalardy aıqyndaıdy.
"Sonymen qatar atalmysh qujatta balalardyń densaýlyǵy men damýyna zıan keltiretin aqparattan qorǵaý maqsatynda qoǵamdyq keńistikte, buqaralyq aqparat quraldary, telekomýnıkasıa jelileri jáne onlaın-platformalar arqyly pedofılıany jáne dástúrli emes jynystyq baǵdardy nasıhattaıtyn aqparat ornalastyrýdy shekteý normalary kózdelgen", - dep habarlady mádenıet jáne aqparat mınıstrligi.
Neke jáne otbasy ınstıtýtyn nyǵaıtýǵa negizdelgen dástúrli otbasylyq qundylyqtardy dáripteý, balalardy ulttyq jáne otbasylyq qundylyqtardy qurmetteýge baýlyp, rýhanı tárbıe berý – memlekettik saıasattyń basym baǵyttarynyń biri.
2024 jylǵy 6 tamyzda "Qazaqstanda LGBT-ny ashyq jáne jasyryn nasıhattaýǵa qarsymyz!" atty petısıanyń "jasóspirimder men balalardy jynystyq qatynas nasıhatynan qorǵaý" bóligindegi talaptary ishinara oryndaldy.
Osyǵan baılanysty birqatar zańnamalyq aktige túzetýler engizý qajet boldy.
Nátıjesinde zań arqyly Qazaqstan Respýblıkasynyń Eńbek kodeksine jáne 12 zańyna ózgerister men tolyqtyrýlar engizildi.
Zańda "dástúrli emes seksýaldyq baǵdardy nasıhattaý" jáne "pedofılıany nasıhattaý" uǵymdaryna naqty anyqtamalar berilip, olar zańǵa qaıshy kontentke teńestirildi.
Memleket basshysy bekitken bul zań Ulttyq arhıv qory men Qazaqstannyń tarıhı-mádenı murasyn saqtaýdy, memlekettik arhıvterdiń mártebesin arttyrýdy, sondaı-aq óskeleń urpaqty zańsyz kontentten qorǵaýdy maqsat etedi.
*Qozǵalys Reseıde ekstremıstik dep tanylǵan jáne oǵan tyıym salynǵan.
