Qasym-Jomart Toqaev EAEO-ǵa múshe elderdiń basshylaryna úndeý joldady, dep habarlaıdy bairaqmedia.kz.
"Bıyl Eýrazıalyq ekonomıkalyq odaq úshin mereıtoılyq jyl boldy. Biz ıntegrasıalyq birlestigimizdi damytýdyń ekinshi onjyldyǵyna nyq senimmen qadam bastyq. Ortaq mindetimiz – EAEO-nyń áleýeti men básekege qabilettiligin nyǵaıtý, ıntegrasıalyq tıimdiligin kúsheıtý. 2026 jyly Eýrazıalyq ekonomıkalyq odaq sheńberindegi ekonomıkalyq prosesterdi odan ári damytý týraly 2030 jylǵa deıingi jáne 2045 jylǵa deıingi kezeńge arnalǵan "Eýrazıalyq ekonomıkalyq jol" deklarasıasy júzege asyryla bastaıdy. Osy strategıalyq qujatta belgilengen maqsattar men mindetterge basa nazar aýdarylady", - dedi Toqaev.
Prezıdent Qazaqstannyń Uıymǵa tóraǵalyǵy bastalýyna oraı negizgi baǵyttarǵa toqtaldy.
Qazaqstan EAEO aıasyndaǵy seriktesterimen jasandy ıntellekt, sıfrlyq retteý jáne ekonomıkany transformasıalaý salalarynda bilim men tájirıbe almasýǵa ázir.
Qarjyny serpindi ınovasıalyq jobalarǵa baǵyttaý qajet. Eýrazıalyq ekonomıkalyq komısıa serpindi bastamalarǵa belsendi túrde qoldaý kórsetýge tıis.
EAEO syrtqy seriktesterimen ekonomıkalyq yntymaqtastyqty odan ári jandandyra túsýge tıis.
