Densaýlyq saqtaý jáne oıyn bıznesine qatysty zańnamalarǵa ózgerister engizildi, dep habarlaıdy Bairaqmedia.kz.

Memleket basshysy «Qazaqstan Respýblıkasynyń keıbir zańnamalyq aktilerine densaýlyq saqtaý, oıyn bıznesi jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Zańǵa qol qoıdy.

Qujat aıasynda birqatar mańyzdy normatıvtik aktilerge, atap aıtqanda:
🔹 «Halyq densaýlyǵy jáne densaýlyq saqtaý júıesi týraly» kodekske,
🔹 «Jarnama týraly»,
🔹 «Oıyn bıznesi týraly»,
🔹 «Mindetti áleýmettik medısınalyq saqtandyrý týraly» zańdarǵa ózgerister men tolyqtyrýlar engizildi.

Densaýlyq saqtaý salasyndaǵy jańalyqtar:

• Onkologıalyq aýrýlardy erte anyqtaýǵa baǵyttalǵan skrınıngtik zertteýler endi mindetti áleýmettik medısınalyq saqtandyrý aıasynan alynyp, memleket kepildik bergen tegin medısınalyq kómek kólemine engizildi.

• Sonymen qatar, múgedektigi joq naýqastardy estý apparattarymen qamtamasyz etýge baılanysty normalar bekitildi.

Qumar oıyn bıznesine qatysty ózgerister:

• Býkmekerlik keńseler men totalızatorlardy uıaly telefon qurylǵylary arqyly jarnamalaýǵa tyıym salyndy.

• Olardy jarnamalaý tek sporttyq baǵyttaǵy buqaralyq aqparat quraldary arqyly ǵana ruqsat etilmek.

• Sonymen qatar, qumar oıyndar men bás tigýge buryn sottalǵan nemese shartty túrde sottalǵan adamdardyń qatysýyna tyıym engizildi.

Zań ne úshin qajet?

Bul ózgerister halyqtyń densaýlyǵyn qorǵaýǵa, áleýmettik ádilettilikti arttyrýǵa jáne qumar oıynǵa táýeldilikpen kúresti kúsheıtýge baǵyttalǵan.

Zań mátini baspasóz betterinde jarıalanady.