«Saltanat» memlekettik bı ansambliniń 70 jyldyǵyna arnalǵan «Bı kerýeni» atty merekelik konsert Taraz qalasynda joǵary deńgeıde ótti, - dep habarlaıdy bairaqmedia.kz

Keshtiń shymyldyǵy ulttyq rýhty ulyqtaıtyn “El saltanaty” bı qoıylymymen ashylyp, kórermenderdi birden erekshe áserge bóledi.

Keshimizdiń qonaǵy QR Mádenıet qaıratkeri, «Qurmet» ordeniniń ıegeri, ánshi Ómirqul Aınıazov "Qazaqstan-atamekenim", "Bir sháýgim shaı" ánderimen kórermen yqylasyna bólendi. Sonymen qatar, halyqaralyq jáne respýblıkalyq baıqaýlardyń laýreaty Jaına Tarǵynova da óz ónerin pash etip, halyq áni "Aq erke", Ǵarıfolla Qurmanǵalıevtiń áni "Ánshi daýysy" týyndysyn oryndap, erekshe sezimge bóledi. «Daryn» memlekettik jastar syılyǵynyń laýreaty, kúıshi Tańat Sadenov qasıetti qara dombyra únimen Taraz aspanyn terbetti.

Qazaqtyń jáne túrli ulttyń bı qoıylymdary kórermen júregine jol taýyp, saltanatty keshtiń kórkin ashty.

Tarıhı tamyry tereń, mádenıeti men rýhanıaty baı qasıetti meken, kıeli Jambyl jeriniń turǵyndary kesh sońynda  «Saltanat» ansambline óz rızashylyǵyn bildirip, ulttyq ónerge degen sheksiz qurmetin kórsetti.

Aıta keteıik, «Bı kerýeni» jobasy aıasynda Tarazda bı óneriniń  maıtalmandarymen sheberlik saǵattary ótkizildi. Jambyl oblysynan jınalǵan  qatysýshylarǵa tegin sertıfıkattar tabystaldy. Bul ıgi shara aldaǵy ýaqytta jalǵasyn tabady.

Osyndaı mazmundy ári mándi keshtiń joǵary deńgeıde ótýine qoldaý kórsetken QR Mádenıet jáne aqparat mınıstrligine, Kenen Ázirbaev atyndaǵy Jambyl oblystyq fılarmonıasyna, Taraz qalasynyń turǵyndary men qala qonaqtaryna zor alǵysymyzdy bildiremiz!