Muqaǵalı Maqataevtyń uly blogerdi sotqa berdi, dep habarlaıdy Bairaqmedia.kz. 

Almaty qalasynyń Naýryzbaı aýdandyq sotynda belgili aqyn Muqaǵalı Maqataevtyń uly Juldyz Maqataevtyń shaǵymy boıynsha bloger Álisher Temenge qatysty qylmystyq is qaralyp jatyr. İsti sýdıa Beınegúl Qaısına júrgizip jatyr. Basty sot talqylaýy búgin bastaldy.

İs Qylmystyq kodekstiń 131-baby 2-bóligi boıynsha («Kópshilik aldynda nemese mass-medıany, telekomýnıkasıa jelilerin nemese onlaın-platformalardy paıdalaný arqyly qorlaý») qaralyp jatyr.

Aıta ketsek, bloger áleýmettik jelide jarıalaǵan vıdeosynda Muqaǵalı Maqataevqa til tıgizip, «sorly erkek» dep ataǵan. Bul jaǵdaı qoǵamda narazylyq týdyryp, jelide keńinen talqylanǵan edi.

Muqaǵalı Maqataev jalpy «jalovatsá» ete beretin sorly erkek bolady ǵoı – vot sondaı. «Búgin meniń týǵan kúnim oı páli-aı, myna adamdar nege jatyr toılamaı» deıdi. «Eı, sen bl… (bylapyt sóz) birinshi jasasańshy týǵan kúnińdi – sosyn baramyz ǵoı. «Banket jasap berer edim ózim-aq, táńirdiń bir jarytpaı-aq qoıǵany-aı» deıdi. Prıchem týt, qudaı? Seniń týǵan kúnińde ústelińniń jaıylyp turǵany qudaıǵa baılanysty ma? Óziń jasa! Erkeksiń ǵoı, ne úshin otyrsyń myna jerde? Otanyńdy qorǵaısyń – erkeksiń, áýletińdi qorǵaısyń – erkeksiń. Áıelińdi qorǵaısyń – erkeksiń. Úkimetten «úıdi qashan beredi» dep kútip otyrsań, onda sen erkek emessiń, – dedi bloger.