Almatyda jáne Abaı oblysynda janar-jaǵarmaı materıaldarynyń (JJM) zańsyz aınalymynyń iri faktisiniń joly kesildi, dep habarlaıdy Bairaqmedia.kz.
Qarjy mınıstrliginiń Memlekettik kirister komıtetiniń málimetinshe, 2025 jylǵy 30 sáýirde Almaty qalasyndaǵy munaı bazalarynyń birinde tekserý is-sharalary barysynda 35 mıllıon teńgeden astam kólemde 177 myń 100 lıtr JJM anyqtalǵan. Ónimder rezervýarlarda, benzın tasymaldaý kólikterinde jáne plasık ydystarda tıisti qujattarsyz saqtalǵan. Materıaldar prosestik sheshim qabyldaý úshin Almaty qalasynyń Ekonomıkalyq tergeý departamentine joldandy.
Buǵan deıin, 2025 jylǵy 25 sáýirde, Semeı qalasynda (Abaı oblysy) júrgizilgen jospardan tys salyqtyq tekserý nátıjesinde salyq esebine alynbaǵan, qyzmetti zańsyz júzege asyrǵan, tirkelmegen avtojanarmaı quıý stansıasy anyqtaldy. Quny shamamen 19 mıllıon teńge 70 tonnadan astam munaı ónimderi alyndy. Materıaldar Abaı oblysynyń Ekonomıkalyq tergeý departamentine joldandy.
