Almatyda polısıa qyzmetkeri áıelin pyshaqtap óltirdi. 39 jastaǵy kúdikti Almaty oblystyq polısıa departamentinde qyzmet etken dep habarlaıdy bairaqmedia.kz

Qaıǵyly oqıǵa búgin túski ýaqytta Shuǵyla yqshamaýdanyndaǵy kópqabatty úılerdiń birinde bolǵan. Polısıaǵa kómek suraǵan áıeldiń daýsyn estigen kórshiler habarlasqan. 

Oqıǵa ornyna jetken jedel tergeý toby otbasylyq janjaldan soń, er adamnyń áıelin pyshaqtap tastaǵanyn anyqtaǵan. Jábirlenýshi sol jerde til tartpaı ketken. Keıin kúdikti óz-ózine qol salmaq bolypty. Iaǵnı, tamaǵyn pyshaqpen oryp jibergen.

Qan-josa bolǵan kúdikti osydan soń aýrýhanaǵa jetkizilgen. Qazir ol jansaqtaý bóliminde jatyr.

Áıelin pyshaqtap óltirgen qaskóıdiń Almaty oblysynda jol-patrýldik polısıa batalóny quramynda qyzmet etkeni belgili.

Al,  34 jastaǵy kelinshek Uzynaǵash aýylyndaǵy balabaqshada dırektor bolǵan eken.

Ekeýiniń ortaq nekesinen kámeletke tolmaǵan 3 balasy bar.

Qazir qandy oqıǵaǵa baılanysty qylmystyq is qozǵalyp, tergeý júrip jatyr.