Belgili UFC jaýyngeri Shavhat Rahmonovtyń jubaıy – Gúlaıym Rahmonova eki adam kóz jumǵan jol apatyna baılanysty iste qorǵalýǵa quqyǵy bar kýáger retinde jaýap bergen, dep habarlaıdy bairaqmedia.kz.

Bul týraly Jambyl oblystyq Polısıa departamenti málimdedi.

«Jol-kólik oqıǵasy boıynsha tergeý áreketteri aıasynda oqıǵanyń obektıvti mán-jaıyn anyqtaýǵa baǵyttalǵan barlyq qajetti prosesýaldyq sharalar júrgizilýde, tıisti saraptamalar taǵaıyndaldy. Qazirgi ýaqytta azamatshadan (Rahmonovtyń áıeli – red.) qorǵaý quqyǵyna ıe kýáger retinde jaýap alyndy», - dedi Jambyl oblystyq PD.

Belgili bolǵandaı, sportshynyń jubaıy qazir Almaty qalasynda aýrýhanada emdelip jatyr.

Tergeý sharalarynyń nátıjeleri boıynsha oǵan qatysty qoldanystaǵy zańnama aıasynda prosesýaldyq sheshim qabyldanatyn bolady.

«QR QPK-niń 201-babyna sáıkes, ózge málimetter tergeý múddesine baılanysty jarıa etýge jatpaıdy», - dep atap ótti vedomstvodan.