Almatyda zeınetker áıeldi baspaldaqtan qasaqana ıterip jibergen degen kúdikpen tergelip jatqan Amantaı qajy ózine taǵylǵan aıyppen kelispeıtinin aıtty, dep habarlaıdy bairaqmedia.kz.
Amantaı qajy jaraqat alǵan áıeldi burynnan tanıtynyn, oǵan kúnde táttiler berip turǵanyn aıtty.
«Men qajy adammyn, men ony urǵan emespin, ıtergen joqpyn. Biraq olar qatty daıyndalǵan eken. Men aýrýhanaǵa barǵanda ol júr shaı iship. Aýyrǵan adam tósek tartyp jatady ǵoı tósekte. Ótirik. Men eshkimge jamandyq istegen joqpyn», — deıdi qarıa.
Aıta keteıik, 83 jastaǵy kúdiktiniń kinási dáleldense, ol eki jylǵa deıin bas bostandyǵynan aıyrylýy múmkin nemese myń aılyq eseptik kórsetkish kóleminde, ıaǵnı shamamen 4 mıllıon teńge aıyppul arqalaıdy.
