Aqmola oblysynda suıytylǵan gaz satýmen aınalysatyn eki kásipkerlik sýbektige jospardan tys tekserý júrgizilip, tutynýshylardy aldaý faktileri anyqtaldy, dep habarlaıdy Bairaqmedia.kz.

Saýda jáne ıntegrasıa mınıstrliginiń Tehnıkalyq retteý jáne metrologıa komıtetiniń óńirlik departamenti senimsiz, ıaǵnı tekserýden ótpegen ólsheý quraldarynyń paıdalanylǵanyn anyqtaǵan.

Bul zańbuzýshylyqtar ólshem birligin qamtamasyz etý týraly zań talaptaryna qaıshy keledi jáne tutynýshylardyń quqyqtaryn buzý qaýpin týdyrady. Qos sýbektige jalpy 1 061 640 teńge kóleminde ákimshilik aıyppul salyndy.

2024 jyldyń basynan beri oblysta 20-dan astam gaz quıý beketine profılaktıkalyq baqylaý júrgizilip, barlyq jaǵdaıda buzýshylyqtar tirkelgen.

Nátıjesinde:

• 14 nysanǵa resmı uıǵarym berildi

• 84 jabdyqty paıdalanýǵa tyıym salyndy

• 22 sýbektige qatysty is qozǵalyp, ákimshilik jaýapkershilikke tartý sharalary qabyldandy.

Memlekettik organ ókilderi bul sharalar tutynýshy quqyqtaryn qorǵaý jáne ádil saýdany qamtamasyz etý úshin qolǵa alynǵanyn atap ótti. Olar azamattardy zańsyzdyqtardy baıqasa, jergilikti tehnıkalyq retteý organdaryna shaǵymdanýǵa shaqyrdy.