Álemge áıgili otandasymyz Dımash Qudaıbergen «Jolaqyny kóterý kerek» degen Oljas Baıdildınovke qatysty zildi jazba qaldyrdy, dep habarlaıdy bairaqmedia.kz.

«Biz, qazaqtar álemniń barlyq tilin qurmetteımiz. Biraq syılastyq aldymen ózińnen bastalýy kerek. Al ózgeni maqtaý úshin óz tilinen uıalatyndar sózinen emes, tamyrynan aıyrylady. Oljas, sen sıaqty arandatýshyny jumysynan qýatyn shyǵar dep senemin. Sebebi sen kishkentaı qorqaq balasyń. Qazaq tilinde ádeıi jazbadym, óıtkeni sen qazaqsha túsinbeısiń», – dep jazdy ol.

Aıta keteıik, ánshiniń mundaı jazba jarıalaýyna Oljas Baıdildınovtiń buǵan deıingi pikiri túrtki boldy. Ol bir suhbatynda Qazaqstannyń ońtústiginen ári qaraı ornalasqan elderdiń jastary orys tilin bilmeıtinin aıtyp, Reseıge keletin mıgranttardyń “sapasy tómendep bara jatqanyn” málimdegen edi.