Táýelsiz Qazaqstannyń tuńǵysh múftıi, dintanýshy-ǵalym Rátbek qajy Nysanbaıuly 86 jasqa qaraǵan shaǵynda ómirden ozdy, dep habarlaıdy bairaqmedia.kz.
Qaraly habar týraly belgili jazýshy, dintanýshy Beıbit Saparaly áleýmettik jelidegi paraqshasynda jazdy.
«Erejep aıynyń sońǵy juma kúninde, Mıǵraj keshi ótken soń Qazaq eliniń táýelsizdik alǵannan keıingi tuńǵysh Bas múftıi, QMDB-nyń eń alǵashqy tóraǵasy Rátbek qajy Nysanbaıulynyń (1940-2026) bul pánı jalǵandaǵy sońǵy demi úzilip, Rabbysyna qaıtty», dep jazdy ol.
Rátbek qajy Nysanbaıuly 1940 jyldyń 14 qarashasynda Túrkistan oblysy, Saryaǵash aýdanynda dúnıege kelgen. Kórnekti dinı qaıratker. Qazaqstan musylmandarynyń tuńǵysh bas múftıi.
