Premer-mınıstr Oljas Bektenov Qazaqstan AQSH-tan keletin taýarlarǵa baj salyǵyn arttyrýdy josparlap otyrmaǵanyn aıtty,dep habarlaıdy bairaqmedia.kz.

«Birden aıtaıyn – ondaı jospar joq. AQSH-tyń jańa erejelerine toqtalaıyn. Bizdiń AQSH-qa jiberetin eksporttyń jalpy kóleminiń 95%-y osy jańa erejege jatpaıdy», – dedi Bektenov Úkimet otyrysynan keıingi brıfıńte.

Bektenovtiń aıtýynsha, bul sheshim el ekonomıkasyna eleýli keri áser etpeıdi.

«Aýqymdy keri áser bolmaıdy. Biz amerıkalyq áriptesterimizben kelissózder júrgizýge daıynbyz jáne júrgizip jatyrmyz», – dedi ol.

Esterińizge sala keteıik, jaqynda AQSH prezıdenti Qazaqstannan keletin keıbir ónimderge 25 paıyzdyq baj salyǵy engiziletinin málimdedi. Bul sheshimge qatysty memleket basshysy Qasym-Jomart Toqaev ta óz pikirin bildirgen edi.