Qaraǵandyda Kenshiler kúnine oraı uıymdastyrylǵan konsertte rekord tirkelgen, dep habarlaıdy bairaqmedia.kz.
Atalǵan konsertti 120 myń adam tamashalaǵan. Bul týraly Qaraǵandy oblysy ákiminiń orynbasary Álibek Áldeneı málimdedi.
"Qaraǵandy dese, Alash alyptary Álıhan Bókeıhan, Álimhan Ermekov, áıgili ánshi-kúıshiler Kúlásh Baıseıitova, Maǵaýıa Hamzın, ekinshi dúnıejúzilik soǵystyń qaharman batyrlary Qazbek Nurjanov pen Nurken Ábdirovter birden oıǵa oralady. Uly tulǵalarǵa tuǵyr bolǵan bul ólkeniń topyraǵy ejelden-aq kıeli.Quıqaly óńir jer astyndaǵy mol qazynasymen de tanymal. Kómir ónerkásibi búginde oblys ekonomıkasynyń 2,8%-yn, al jalpy óndiris kóleminiń 6,4%-yn quraıdy.Óńirimizdegi 10 shahtadan sońǵy 7 aıda 21,6 mln tonna kómir óndirilgen, onyń 4,5 mln tonnasy Reseı, Qyrǵyzstan, Belarýs, Ózbekstan syndy alys-jaqyn shet elderge eksporttalady. Jalpy, kómir óndirýde oblysta turaqty oń dınamıka baıqalady. Byltyr 20,4 mln tonna óndirilse, bıyl ol kórsetkish 5,8%-ǵa artty. Bul – qaılasy qaıyspas qara narlarymyzdyń jemisi!", - deıdi oblys ákiminiń orynbasary.
Kenshiler kúnine oraı Qaraǵandy oblysynda 40-qa jýyq túrli formattaǵy is-sharalar uıymdastyryldy. Oblys ortalyǵynda 120 myńǵa jýyq adam tamashalaǵan aýqymdy konserttik baǵdarlama uıymdastyrdy. Búgin Shahtınsk, Abaı jáne Saran qalalarynda merekelik sharalar jalǵasýda.
