Prezıdent Qasym-Jomart Toqaev kórnekti aqyn, sazger, Qazaqstannyń halyq jazýshysy, «Parasat» ordeniniń ıegeri Israıl Saparbaıdyń dúnıeden ótýine baılanysty otbasy men jaqyn týystaryna kóńil aıtty.
– Israıl Saparbaı ǵıbratty ǵumyryn kıeli sóz ónerine arnaǵan, tól ádebıetimizdiń kókjıegin keńeıtýge zor úles qosqan daryndy qalamger edi. Ulttyq poezıa men dramatýrgıada ózindik qoltańbasyn qaldyryp, naǵyz shyǵarmashyl tulǵa retinde ónimdi eńbek etti. Qalyń oqyrman ómirsheń týyndylarymen qatar ultjandy azamattyǵyn joǵary baǵalady. Sońyna baı ádebı-mádenı mura qaldyrǵan Israıl Saparbaıdyń jarqyn beınesi men esimi umytylmaıdy, – dep jazylǵan jedelhatta.
