Jańalyqtar 85 jasyna qaraǵan shaǵynda Qazaqstannyń halyq jazýshysy, belgili dramatýrg, talantty sazger Israıl Saparbaı dúnıeden ótti, dep habarlaıdy bairaqmedia.kz.

Bul týraly Jazýshylar odaǵynyń tóraǵasynyń orynbasary Qasymhan Begmanov óziniń Facebook paraqshasynda habarlady.

«Búgin tańnan sýyq habar jetti. Tańǵy saǵat tórt shamasynda 85 jasyna qaraǵan shaǵynda Qazaqstannyń halyq jazýshysy, Táýelsiz «Platınaly Tarlan» syılyǵynyń laýreaty, asa kórnekti ult aqyny, belgili dramatýrg, talantty sazger Israıl Saparbaı aǵamyz dúnıeden ótti. Uly aqynnyń Qaskeleńdegi qara shańyraǵynda, bala-shaǵasynyń aldynda aýyr naýqastan qaıtqany jaıly habardy maǵan aǵamyzdyń uly Nurlan Israıluly baýyrym habarlady», - dep jazdy Qasymhan Begimhanov.

Qazaq ádebıetinen oıyp turyp oryn alǵan, kórnekti lırık aqyn Israıl Saparbaıdyń artynda sulý sazdy ánderi, qazaq poezıasynyń qorjynyna mura bolǵan óleńderi jáne óz oqyrmanyn tapqan pesalary qaldy.