Ózbekstannyń Namangan oblysynda ımamdar, ımam-hatıbter jáne meshit qyzmetkerleriniń (mýtavallılerdiń) áıelderi arnaıy jıynǵa shaqyryldy, dep habarlaıdy Azattyq Rýhy.

Jıynda olarǵa oramaldy arab dástúrine saı emes, jergilikti ulttyq úlgimen – túıinin artqa baılap taǵý qajettigi eskertildi.

Bul tapsyrma Namangan oblysynyń musylmandar basqarmasynyń jetekshisi Mýsahon Abbosıdınovke júktelgen.

Jınalys barysynda oblystyq ákimdik janyndaǵy dinı uıymdarmen jumys bóliminiń qyzmetkeri Saıera Isakova sóz sóılep, elde tulǵany tanýǵa kedergi keltiretin kıim kıýge tyıym salynǵanyn eske saldy.

Atalǵan talap 2023 jyldan bastap zańmen bekitilgen. Ony buzǵandarǵa Ákimshilik quqyq buzýshylyq týraly kodekstiń 184-babynyń 4-bóligine sáıkes aıyppul salynady.

«Eger ımamnyń jary zańdy buzsa, onyń kúıeýi de jaýapkershilikke tartylady. Quranda hıdjab taǵý mindettelmegen», – dedi Isakova.

Jýrnalıserdiń qolyna uzaqtyǵy eki saǵattan asatyn jıynnyń aýdıojazbasy túskeni de habarlandy.