Jelide Oral áýejaıynda túsirilgen áserli beınejazba qyzý talqylanýda, dep habarlaıdy bairaqmedia.kz.

Kadrlardan osydan shırek ǵasyr buryn qaıtys boldy dep eseptelgen qyzdyń týǵan ata-anasymen qaýyshqan sátin kórýge bolady.

«Moı gorod» basylymynyń málimetinshe, 2000 jyly Batys Qazaqstan oblysynyń turǵynyna perzenthanada sábıiniń shetinep ketkeni habarlanǵan. Alaıda arada 25 jyl ótken soń, balanyń tiri ekeni belgili boldy.

Osy ýaqyt boıy ol AQSH-ta asyrap alǵan otbasynda ósip-jetilgen. Jaqynda týǵan jerine asyrap alǵan ákesimen birge oralǵan qyz ata-anasymen kóz jasyna toly qýanyshty sátte tabysty.

Bul oqıǵany boıjetkenniń týǵan ápkesi Aıymgúl beınejazbaǵa túsirip, áleýmettik jelige jarıalaǵan.

Qazir náresteniń joǵalýyna baılanysty úsh dárigerge qatysty qylmystyq is qozǵaldy. Olarǵa sábıdi zańsyz shetelge shyǵaryp jiberdi degen aıyp taǵylyp otyr.

Jeli qoldanýshylary taǵdyrly qyzdyń ata-anasymen qaıta tabysýyn erekshe tolǵanyspen qabyldap, izgi tilekterin bildirýde.