Vıtebsk qalasynda ótken «Slaván bazary – 2025» halyqaralyq balalar baıqaýynda Qazaqstan atynan qatysqan jas ónerpaz Mıras Naǵashybaı 1-oryndy ıelendi.
Saıysqa jalpy 14 eldiń ánshileri qatysty. Múltfılm saýndtregin oryndaý tapsyrmasy aıasynda jas ónerpaz «Toqty men serke» múltfılmindegi «Aqtamberdiniń jyry» termesin estradalyq óńdeýde oryndap, «Úzdik saýndtrek» retinde arnaıy premıaǵa usynylǵan.
Aıta keteıik, «Qazaqstan» teleradıokorporasıasynyń «Toqty men Serke» tolyqmetrli anımasıalyq fılmi Qazaqstannyń barlyq kınoteatrynan kórsetilip jatyr.