Májilis depýtaty Maqsat Tolyqbaı qazirgi qoǵamdyq marapattar men ataqtardyń shynaıylyǵyna qatysty pikir bildirdi, dep habarlaıdy bairaqmedia.kz.

Ol "Ult ustazy", "Ult danyshpany" degen ataqtar tarıhı salmaqty ekenin atap, qazirgi tańda keıde medal men tósbelgi deńgeıine deıin arzandaǵanyn synǵa aldy.

Depýtattyń aıtýynsha, "Ult ustazy" ataǵyn 200 myń teńgeden muǵalimderge satylymǵa shyǵarǵandardyń áreketi Baıtursynov sıaqty uly tulǵalardyń esimin qurmettemeıtinin kórsetedi. 

Ol qazirgi zamandaǵy "ǵasyr ustazy", "ǵalamdyq ustaz" sıaqty ataqtardy uıymdastyrýshylar komersıalyq maqsatpen paıdalanyp otyrǵanyn atap ótti.

Sonymen qatar, Maqsat Tolyqbaı keıbir qoǵamdyq uıymdardyń medal taqqandarǵa qatysty suranysty paıdalanyp, zaldardy jalǵa alyp, qyzyl kilem tóselip, saltanatty marapattar uıymdastyratynyn aıtty.

"Baıaǵyda 'Ult ustazy' dep Baıtursynovtardy aıtatyn edik, qazirgi 'ǵasyr ustazdarynyń' qasynda qarapaıym muǵalim ǵana qaldy", — dedi depýtat.

Depýtat memlekettik nagradalardyń qunynyń ketýin joqqa shyǵarmaı, biraq óz salasynyń myqtylaryn marapattaıtyn júıeli jumys istep jatqan uıymdar da bar ekenin atap ótti.

"Men tek medal satyp, jyl saıyn kóligin jańalap otyrý úshin ártúrli qoǵamdyq uıymdar ashyp alǵan bıznesmender jóninde aıtyp otyrmyn", — dedi Maqsat Tolyqbaı.