Almaty qalasynda ótken jartylaı marafon kezinde eki qatysýshynyń qaza tabýyna baılanysty tolyqqandy tekseris júrgizilip jatyr. Bul týraly Týrızm jáne sport mınıstri Erbol Myrzabosynov aıtty, dep habarlaıdy Bairaqmedia.kz.

Onyń aıtýynsha, qatysýshylardyń densaýlyq jaǵdaıy, jarysty uıymdastyrý tártibi, medısınalyq qamtamasyz etý deńgeıi men qaýipsizdik reglamenti jan-jaqty saraptalady.

Jergilikti atqarýshy organdar ótkizetin mundaı sharalarǵa talapty kúsheıtemiz. Buqaralyq sport qaýipsiz ári kásibı deńgeıde uıymdastyrylýǵa tıis, – dedi Erbol Myrzabosynov.

Sondaı-aq vedomstvo basshysy Týrızm jáne sport mınıstrligi bul baǵytta naqty usynystar ázirlep, tıisti qurylymdarǵa joldaıtynyn málimdedi.

Eske sala ketsek, buǵan deıin Almatyda Almaty Half Marathon kezinde eki qatysýshy jarys kezinde kóz jumǵanyn habarlaǵan bolatynbyz.