AQSH prezıdenti Donald Tramp AQSH áýe soqqylary Irannyń úsh negizgi ıadrolyq nysanyn «tolyq joıǵanyn» málimdedi, dep habarlaıdy bairaqmedia.kz

Sondaı-aq Tegeran Izraılmen beıbit kelisimge kelmese, áskerı is-qımyldardy jalǵastyratynyn eskertti.

Jaǵdaı bulaı jalǵasa almaıdy. Ne beıbitshilik bolady, ne Iran úshin sońǵy segiz kúnde kórgenimizden de áldeqaıda úlken tragedıa bolady, – dedi Tramp Aq úıdegi sózinde.

Tramp AQSH kúshteri Natanz, Fordo jáne Isfahan qalalaryndaǵy ıadrolyq nysandarǵa soqqy jasaǵanyn aıtyp, bul shabýyldardy «keremet áskerı jetistik» dep atady.

Irannyń negizgi ýran baıytý obektileri tolyq joıyldy. Taıaý Shyǵysty qorqytyp kelgen Iran endi beıbitshilikke kelýi kerek. Eger olar kelispese, bolashaqtaǵy shabýyldar áldeqaıda aýqymdy bolady – ári olardy júzege asyrý áldeqaıda ońaı bolady, – dedi AQSH prezıdenti.

Tramp óz sózinen keıin birden áleýmettik jelide Iranǵa eskertý jasady.

Amerıka Qurama Shtattaryna qarsy Iran tarapynan keletin kez kelgen qarsy shabýylǵa búgingi keshtegiden de kúshti jaýap beriledi, – dedi ol.