Almaty-Bishkek trassasynda úsh kóliktiń qatysýymen jol apaty boldy. Saldarynan, bes adam qaza taýyp, tórt jolaýshy zardap shekti, dep habarlaıdy bairaqmedia.kz
Almaty-Bishkek tasjolynda bolǵan jol apatynyń kadrlary áleýmettik jelide jarıalandy. Jol apatynan jeńil kólik pen júk kóligi búlingen. Tipti, júk kóliginiń tirkemesi otqa oranǵan.
Jarıalanymǵa qatysty Almaty oblystyq polısıa departamenti pikir bildirdi. Vedomstvo jol apaty Almaty-Bishkek trassasynda bolǵanyn aıtty.
Aldyn-ala derek boıynsha Mitsubishi Pajero avtokóliginiń 42 jastaǵy júrgizýshisi qarsy baǵyttaǵy jolaqqa shyǵyp ketip, Toyota Highlander kóligine, sosyn tirkemesi bar DAF júk kóligine soqtyǵysqan. Apat saldarynan oqıǵa ornynda Mitsubishi Pajero kóliginiń tórt jolaýshysy jáne Toyota Highlander kóliginde otyrǵan bir jolaýshy - bas-aıaǵy bes adam kóz jumdy. Qalǵan jolaýshylar medısınalyq mekemelerge jetkizildi", - dep málimdedi Almaty oblystyq PD.
Atalǵan jaıt boıynsha qylmystyq is qozǵalyp, barlyq qajetti tergeý sharalary júrgizilip jatyr.
