Áleýmettik jelide Májilis depýtaty Temir Qyryqbaev pen Túrkistan oblystyq Máslıhatynyń depýtaty Nuraıym Shaqımergenniń mahabbaty týraly vıdeo tarap, qyzý talqylanyp jatyr. Májilismen men máslıhatshy sulýdy ne baılanystyrady? Vairaqmedia.kz  tilshisi bul suraqty Temir Qyryqbaevtyń ózine qoıdy. 

Májilismen Túrkistan oblystyq Máslıhatynyń depýtaty Nuraıym Shaqımergenmen jeke tanystyǵyn jasyrmaıdy. Biraq, "mahabbat" týraly suraqqa kelgen kezde "bul meniń jeke ómirim" dep, qandaı da bir aqparat berýden bas tartty. 

«Bul adamnyń jeke ómiri. Ol týraly eshteńe aıta almaımyn. Tanymaımyn emes, tanımyn. Máslıhattaǵy ornymdy sol kisige tastap ketti degen adamnyń basyna sıatyn nárse emes. Ony halyq saılaǵan. Oǵan meniń eshqandaı qatysym joq. Ol partıadan emes, óz-ózin usynyp, ótkenin men bilemin», - dedi Temir Qyryqbaev. 

Depýtat balaǵa qatysty suraqty da jaýapsyz qaldyrdy.

«Ol týraly da aıta almaımyn. Jelide taraǵan vıdeoda fotoshop qoldanǵan. Kópshilik otyrǵan jerde ekeýmizdi jaqyndatyp túsirip qoıǵan. Balanyń qolyndaǵy oıynshyqty veıp dep shyǵarǵan», - dep jaýap berdi májilismen. 

Aıta keteıik, áleýmettik jelide taraǵan vıdeoda qos depýtattyń qushaqtasqan, kishkentaı balamen otyrǵan sátteri bar. Negizi Instagram-ǵa fotolardy 25 jastaǵy máslıhatshy sulýdyń ózi júktep, keıin kóshirgen. QYSQASOZ arnasynyń jazýynsha, Qyryqbaev Máslıhattaǵy burynǵy ornyna naqsúıerin tastap ketken. Bala da ortaq perzentteri bolýy múmkin.

«Temir myrzaǵa qurylys pen saıasattyń eki nárse ekenin jáne úlken saıasatta mundaı qatelikter keshirilmeıtinin aıtqymyz keledi. Al 25 jastaǵy qyzdy depýtattyq orynǵa tastap ketýińiz, sizdiń ákki saıasatker emes, qarabaıyr qurylysshy ekenińizdi kórsetedi», - delingen rolıkte.