"Jasandy ıntellekt týraly" zańynyń jasandy ıntellekt kómegimen jasalǵan nemese ózgertilgen kontentti tańbalaýdy mindetteıtin normalary kúshine endi, dep habarlaıdy bairaqmedia.kz.
Atalǵan Zańnyń 21-babyna sáıkes jasandy ıntellekt arqyly jasalǵan nemese ózgertilgen jáne shynaıy oqıǵalardy ımıtasıalaıtyn sýretterdi, beınematerıaldardy, aýdıojazbalardy jáne mátinderdi taratý aýdıtorıaǵa arnaıy tańbalaý men eskertý bolǵan jaǵdaıda ǵana ruqsat etiledi:
Kontentti tańbalamaý jasandy ıntellekt salasyndaǵy retteýdiń negizgi qaǵıdattaryna - ashyqtyq pen jaýapkershilikke qaıshy keledi;
Jalǵan aqparatqa qarsy is-qımyl ortalyǵy tańbalanbaǵan jasandy ıntellekt kontenti, ásirese qoǵamdyq mańyzy bar jáne áleýmettik turǵydan sezimtal taqyryptarda, manıpýlásıalar, jalǵan aqparat jáne dıpfeıkterdiń taralý qaýpin arttyratynyna nazar aýdarady.
Osyǵan baılanysty ortalyq BAQ ókilderin, blogerlerdi jáne sıfrlyq platformalardyń ákimshilerin generatıvti jasandy ıntellekt tehnologıalaryn qoldaný kezinde jaýapkershilik pen ashyqtyq qaǵıdattaryn saqtaýǵa shaqyrady.
