Italıa astanasy Rımde World Boxing federasıasynyń Kongresi ótti. Onyń barysynda qazaqstandyq boks juldyzy Gennadıı Golovkın resmı túrde uıymnyń prezıdenti bolyp taǵaıyndaldy, dep habarlaıdy bairaqmedia.kz.
Gennadıı Golovkınniń kandıdatýrasy biraýyzdan maquldandy. Sebebi GGG World Boxing basshysy qyzmetine usynylǵan jalǵyz kandıdat bolǵan. Osylaısha, Golovkın halyqaralyq sport federasıasyn basqarǵan alǵashqy qazaqstandyq atandy.
Otandyq boksshynyń aldynda uıymǵa golandıalyq Borıs van der Vorstyń basshylyq etti. Ol búgin ótken Kongres kezinde laýazymynresmı túrde bosatty. Vorst federasıany qurylǵan kezinen 2023 jyldan bastap basqardy.
Golovkın jıynda sóz sóılep, tórt negizgi baǵytty atap ótti:
sportshylar bárinen mańyzdy;
adaldyq;
ınovasıalar;
qarjylyq turaqtylyq pen damý.
Golovkın World Boxing sportshylar men olımpıadalyq qoǵamnyń seniminen shyǵatyn uıym bolý kerektigin jetkizdi.
